Hasiera > Ekintza osagarriak > Kirolak > Ohar Orokorrak
OHAR OROKORRAK
Ekintzen Eskaintza / Taldeak Kronikak ikusi
Asteburuko Txapelketak Kronika bidali
Sarrera Antolakuntza Ohar Orokorrak
Ohar Espezifikoak Asegurua
 
OHAR OROKORRAK
 
1.

Txapelketa duten bi ekintza edo gehiago praktikatuz gero:

  • Kirol hauen txapelketen ohiko ordutegia berbera bada (adibidez. biena larunbat goizetan). Horietako bat aukeratuko da lehen kirol bezala eta honen txapelketetara joatea derrigorrezkoa izango da (baldin eta entrenamendu zein partidetara joateko aukera hautatu bada). Bigarren kirolarekiko konpromiso osoa ezin denez hartu bigarren ekintza honen txapelketara ezin izango da joan. Taldearen baldintzek onartzen badute ikasturtean zehar bigarren kirol honetako txapelketara hiru alditan joateko aukera emango zaio (hiruhilabetero aldi bat) kirol horren lehiaketa ere froga dezan (entrenatzaileak erabakiko du noiz).
  • Kirol hauen txapelketen ohiko ordutegia ezberdina bada (adibidez. batena larunbat goizetan eta bestearena igandeetan). inongo kointzidentziarik ez dagoenez, bi kiroletako txapelketetan parte hartzeko aukera emango zaio.
  • Irailean banatuko zaizuen izen-emate orrian zuen aukeraketa jarri behar izango duzue.
 
2.
Kirol guztietan entrenamenduetara joatea derrigorrezkoa da. Ikasturte osoan zehar asteko entrenamendu batera ezin dena joan beste ekintza bat dela eta (ingelesa, klase partikularrak…) kirol horretako txapelketetan parte hartu ezin izango du.
 
3.

Txapelketa duten talde-kiroletan (futbola, areto futbola, eskubaloia, saskibaloia, boleibola eta esku-pilota) hurrengo bi aukeren artean hautatu ahal izango da. Irailean banatuko zaizuen izen-emate orrian zuen aukeraketa jarri behar izango duzue.

 

a) Entrenamenduetara bakarrik joatea: ezin izango zen partida edo txapelketa batera ezta joan. Aukera hau bakarrik taldearen dinamika oztopatzen ez den bitartean hautatu ahal izango da.

b) Entrenamendu eta partidetara joatea: Partida edo txapelketa guztietara joatea derrigorrezkoa izango da. Norbait bi partida baino gehiagotara faltatu behar izango bada beste ekintza (ingelesa, abesbatza, teis,dantza, pala, etab...), ezin izango du aukera hau hartu. Bakarrik "a" aukera hartu ahal izango du (entrenamenduetara bakarrik joan). Norbait hiru partidetara faltatzen bada, hortik aurrera bakarrik entrenamenduetara joateko aukera izango du.

Arau honekin ardura eta taldearekiko konpromisoaren baloreak landu nahi ditugu. Talde baten funtzionamendua talde horretan dauden jokalarien guztion jarrera, aktitude eta konpromisoaren araberakoa izango da eta hori dela eta guztien (jokalarien eta gurasoen) inplikazioa nahitaezkoa da.

Txapelketak dituzten banakako kiroletan (judo, atletismoa, mahai tenisa, soinketa erritmikoa), hauetara joatea borondatezkoa izango da (kirol hauek ez dute asteburuero txapelketarik). Hauetara apuntatzeko astean bertan banatuko den izen emate orri baten bitartez egingo da.
 
4.
Txapelketetan parte hartuko duten kirolari guztientzat jokatzeko ekipaia eta txandala erostea eta lehiaketetan erabiltzea derrigorrezkoa izango da. Honako hau derrigorrezkoa izango den kirolak: futbola, saskibaloia, areto-futbola, eskubaloia, boleibola, atletismoa eta pilotako (hauentzat, jokatzeko ekipaia eta txandalaren goiko aldea derrigorrezkoa izango da, txandalaren prakak ez ordea) eta judoko txapelketetan parte hartuko duten kirolarientzat. Ekipaien erosketa Kirolak Zubiaurre dendan (Florida kalea, 2) egin beharko da.
 
5.

Talderen batean onartzen diren baino jokalari gehiago apuntatuta badaude taldea egiteko hurrengo irizpideak jarraituko dira:

  1. Jokalariak aurreko ikasturtean izandako jarrera eta taldearekiko konpromisoa.
  2. Aurreko ikasturtean taldean apuntatuta egondako jokalariak.
 
6.
Olabide K.E. utzi eta beste klub batera joan nahi dutenek kurtso hasieran edo bukaeran egiteko aukera izango dute. Denboraldia hasi eta gero ez zaie utziko.
 
7.
Olabide K.E. uzten duenak (beste klub batera joateko), birsartzeko aukera bakarrik lekua egongo balego izango zuen.
 
8.
Ikasturtea hasi eta gero, ezinbesteko arrazoiengatik ez bada, ezin izango da kirol ekintzaz aldatu.
 
9.
Olabide Kirol Elkarteko eskolar deituriko ekintzak Ikastolako seguruaren barne daude. Ekintza federatuak, federazio bakoitzak duen seguruaren barne. Istripuren bat egotekotan kirol koordinatzailearekin harremanetan jarri.
 
10.
21:00etako autobusa (Batxilergokoen entrenamenduak) bakarrik 20 pertsona baino gehiagok erabili behar badute jarriko da.
 
11.

Baldintzak direla eta talde bateko bi pertsonek kamiseta zenbaki berbera badute, erabakitzeko zenbakia nork mantentzen duen ondorengo irizpideak jarraituko dira:

a) Bi talde elkartzen badira:

    1. Ekintzan urte gehien daraman jokalariak mantenduko du.
    2. Zozketa

b) Jokalari bat eginda dagoen talde batera badoa:

  1. Hasierako talde horretako partaide zen jokalariak mantenduko du.
 
12.
Kadete mailatik aurrera (barne), kategoria bakoitzean talde bat baino gehiago egotekotan, taldeak jokalarien kirol mailaren, ekintzarekiko interesaren eta aurreko ikasturtean izandako portaeraren arabera egingo dira.
 
13.
Salbuespen moduan eta ekintzak behar duenean, beste ikastetxe batzuetako partehartzaileak onartu ahal izango dira. Behin onartuta hauek Olabide Kirol Elkarteko ekintzetan Ikastolako beste ikasleek dituzten eskubide eta betebehar berberak izango dituzte.