2005-ko azaroaren 3tik 9a arte
gure Comenius taldeak bilera eta ikasleen hitzaldia ospatu zuen ikastolan.

Hamalau ikasle etorri ziren Norvegia, Polonia, Hungaria eta Alemaniatik eta zazpi familien etxeetan egon ziren. Herrialde hauetako irakasleak ere, gehi Ipar Irlanda eta Martinikakoak etorri ziren.

Lehenengo egunean harrera polit bat egin genuen ikastolan. Ondoren Vitoria-Gasteiz bisitatu genuen Turismo Bulegoko gidariekin. Udaletxean beste harrera bat prestatu zen eta lunch-a eta opariak eskaini zizkien. Arratsaldean eta hurrengo egunean, irakasleek Guggenheim eta Errioxa ezagutu zuten. Igandean, gure bisitalariek eta hemengo familien seme-alabek egun eder bat igaro zuten Chillida Leku eta Donostian.
Bestalde, ikastolan hainbat ekintza ospatu genituen: bisita, erakusketa eder bat, kirolak, abestiak eta dantzak. Etorritako irakasleak hainbat geletan egon ziren gure lana ikusteko.
Aldi berean, denon artean aurtengo ebaluaketa eta azken urteko programazioa prestatu genituen eta bukatzeko ikasleek mural eder bat margotzen hasi ziren Celaya sarrera ondoan.
Mila esker parte hartu zuten guztiei, batez ere familiei, DBH 4A plastika taldeari, dantza taldeari, gure gidariei (Itziar, Marta, Miren eta Nerea), Gabriela Retolaza eta Turismo Bulegoari.